:: CODKAWAAMO ::

Haddeynu nahay bahda Afbalaar Orphan and Charity Foundation waxaan aad uga xunahay inaan howshii aan isu xil saarney ee aheyd inaan wax la qabano amaba aan wax u qabano dhalaankayagga ee ku tabaaleysan daafaha gayigeena oo idil gaar ahaan gobolka jubbada hoose ee Kismaayo howshan oo ay habcsanaan ku timi balse waxaan Alle ka rajeynaynaa inaan noqono kuwii u horseedo nolol iyo baraare ay u aayaan dhalaankan ku agoonoobey ayna halakeeyeen dagaaladii ahliga ahaa oo aan inaba hanbeenin naf iyo maalba sutidana u hayeen qowleysatayaal aan u turi heyn dal iyo deegaan toonna, balse uu hankooda ahaa sidii ay danhooda gaarka ah u gaari lahaayeen.

Akhristoow tan iyo intii ay burburtay dowladii dhexe ee Soomaaliya waxaad moodaa dhibtii wadanka ku habsatey inteeda ugu badneyd waxaa la oran karaa waxey haleeshay oo ilaa iyo haddana ay ka socotaa gobolada koonfureyd siiba gobolka Jubbada hoose Kismaayo oo ilaa iyo haatan u muuqato meel dagan oon cidina u kicin sida gobolada dalka intiisa kale halka dadkii deegaankan lahaa ama ku noolaa aysan wali u hollan iney iska yureeyaan ama ka dhiidhiyaan kuwa har iyo habeen isu soo baheysta iney laayaan ama barakiciyaan tiirarka qoysaska dhalaankooduna u dawarsadaan dariiqyada waa weyn ee gobolka jubbada Hoose Kismaayo si ay uga gun gaaraan himiladooda ay cindigga ku hayeen oo aheyd iney arkaan maalin qura iyaggoo dhaxley Goboka Jubbada Hoose Kismaayo oo la sheeggo inuu yahay ama uu ka mid yahay gobolada ugu qanisan gayigga soomaaliya balse akhristoow waxey iloobeen inuu Alle arladiisa dhaxalsiiyo adoomihiisa suusuuban.